Board logo

標題: 外援和六君子事件. [打印本頁]
作者: lmichael    時間: 2013-6-26 20:15     標題: 外援和六君子事件.

首先我重申,我對外援係無意見,或者講, 我係傾向有外援. 我只係講一下外援既歷史同引起既問題.

其實外援係香港乒乓球歷史由戰前已經有,我咁講,呢度應該都無人駁到我 二戰前呀,未出世吧

其實趙萬權同王耀榮,嚴格來講都係外援, 趙係華僑, 王係澳門人, 後來既陳江華,盧傳松,或者許素紅,余錦佳都係國援,不過其實香港人對外授既定義,好多時只係........佢識唔識講廣東話 所以女隊成日比人話好多外授,其實高禮澤同李靖又唔係一樣係外援, 但就親切好多, 只不過佢兩個講廣東話,而女隊O個班, 有時我覺得乒總公關好心做好O的,訪問都用普通話.其實呢O的細節做好O的,形像就已經改善好多.

其實現在成日有人講,話國援搶了本土球員機會,其實係二十年前已經有人講,當時九局五勝,出趙萬權,王耀榮,就總是缺一個,當時好多時就比O左本土球員,例如張文光,李學榮.....,當時,對東南亞,或者二線歐洲隊,最多都係贏5:3. 直到陳光華落了來,補了個缺位,成績就好好多,當趙萬權退休,就來了盧傳松,當時,香港六個年青港隊球員(其實佢地都係結恆既),就非常不滿,寫O左封公開信比報紙,批評乒總呢個做法, 就係六君子事件,而佢地亦有成十年時間,無打乒總既比賽,到近年先打返.經過六君子事件,乒乓球係香港亦步入黑暗時代 你現在同乒總一講國援搶了本土球員機會,佢地一定緊張到不得了.

老實講,香港本土球員同呢O的中國外援,水平真係差好遠,本土球員,唔好話中,日,韓,台唔夠打,其實同東南亞打,都未必贏,現在好多人都話外援搶了香港本土球員機會,其實......我肯定地講,唔係!!乒總都唔知幾想有本土球員打到世界級水平.問題係當你真係出本土球員,如果成績打得唔好,仲會唔會有咁多資源比年青選手?

下次講下乒乓球既黑暗時代.
作者: jlamlam    時間: 2013-6-26 21:05

作者: 金擇魚    時間: 2013-6-26 21:51

係直頭踩左上乒總.
作者: friendlywa    時間: 2013-6-26 21:53

作者: lmichael    時間: 2013-6-26 23:10

同乒總反影就知,詳情係點我就真係唔知,當時我仲係靚仔,不過佢篇大文,出現在各大報章,我就仲記得. 佢地踩上乒總既情況係點?好似係世乒賽之前?
作者: gattfry    時間: 2013-6-26 23:14

邊六個呀？？？？？？
作者: samson2012717    時間: 2013-6-26 23:32

引用:
原帖由 gattfry 於 2013-6-26 23:14 發表
邊六個呀？？？？？？
我都趄知。
作者: lmichael    時間: 2013-6-27 00:03

引用:
原帖由 samson2012717 於 2013-6-26 23:32 發表

我都趄知。
我記得四個,如果我無記錯,張文光,李學榮,劉俊峰,蘇俊華,另外兩個我唔記得了,李壽榮有無呢? 我唔記了.二十年前既事了.
作者: 乒乓在線    時間: 2013-6-27 00:09

香港地
作者: 金擇魚    時間: 2013-6-27 00:10

引用:
原帖由 lmichael 於 2013-6-27 00:03 發表


我記得四個,如果我無記錯,張文光,李學榮,劉俊峰,蘇俊華,另外兩個我唔記得了,李壽榮有無呢? 我唔記了.二十年前既事了.
好似有薛公子,
作者: lmichael    時間: 2013-6-27 00:11

引用:
原帖由 金擇魚 於 2013-6-27 00:10 發表

好似有薛公子,
邊個薛公子?唔識啊
作者: agito    時間: 2013-6-27 00:15

"問題係當你真係出本土球員,如果成績打得唔好,仲會唔會有咁多資源比年青選手?"
重點
作者: samson2012717    時間: 2013-6-27 00:33

幾年前識一個中學生，佢第一次跟的教練同佢講，唔好用太多時間在乒乓球方面，比多D心機讀書，同佢講一個二十多年前嘅故事，曾經有一個土生土長打得好好的香港球手很有機會代表香港出賽，但最後的出賽機會還是給了外緩球員，他的教練名字好像是劉國翔，他教練說的可能是自己的故事。
作者: lmichael    時間: 2013-6-27 01:13

引用:
原帖由 samson2012717 於 2013-6-27 00:33 發表
幾年前識一個中學生，佢第一次跟的教練同佢講，唔好用太多時間在乒乓球方面，比多D心機讀書，同佢講一個二十多年前嘅故事，曾經有一個土生土長打得好好的香港球手很有機會代表香港出賽，但最後的出賽機會還是給 ...
其實代表O左又點? 只係比佢知道佢同世界級水平相差有幾遠, 老實講,當年O個班打得好O的既, 張文光,李學榮,蘇俊華佢地,其實真係未去到世界級既級數,而且仲差好遠.......
作者: gattfry    時間: 2013-6-27 01:17

引用:
原帖由 lmichael 於 2013-6-27 00:03 發表


我記得四個,如果我無記錯,張文光,李學榮,劉俊峰,蘇俊華,另外兩個我唔記得了,李壽榮有無呢? 我唔記了.二十年前既事了.
係咪陳X明呀?
作者: lmichael    時間: 2013-6-27 10:08

引用:
原帖由 gattfry 於 2013-6-27 01:17 發表

係咪陳X明呀?
佢年紀好似無咁大......
作者: 速鳥    時間: 2013-6-27 10:28

文章当然係費話，中國航天科技都是一步步進，有開始先有机会。

打波都要輸得多先会嬴，如果吾開始派港人去打义好遠水平的波，尤何来夑得义不近的港人球員出現。

咁一世都吾会出現港人代表香港獲獎。
作者: 電子神童    時間: 2013-6-27 10:33

作者: lmichael    時間: 2013-6-27 11:23

引用:
原帖由 速鳥 於 2013-6-27 10:28 發表
文章当然係費話，中國航天科技都是一步步進，有開始先有机会。

打波都要輸得多先会嬴，如果吾開始派港人去打义好遠水平的波，尤何来夑得义不近的港人球員出現。

咁 ...
恕我直言,

專業運動員唔係讀書, 有教無類, 邊個球手, 係輸得多先贏? 其實天份高既運動員,係充份反影佢一開始, 就係贏多輸少. 你睇中國隊,邊個係輸住來打? 現實o的,業餘運動員係, 但專業運動員唔係......

[ 本帖最後由 lmichael 於 2013-6-27 11:57 編輯 ]
作者: mankit    時間: 2013-6-27 12:16

中間取得平衡線確不是易事。
作者: 電子神童    時間: 2013-6-27 12:24

自從,幾位前輩在論壇出現, 我一日上幾次追住睇, 希望你們多D 發表, 好精彩 又有深度, 又可了解多D 乒乓球歷史...
作者: yoman    時間: 2013-6-27 13:03

引用:
原帖由 lmichael 於 2013-6-27 11:23 發表


恕我直言,

專業運動員唔係讀書, 有教無類, 邊個球手, 係輸得多先贏? 其實天份高既運動員,係充份反影佢一開始, 就係贏多輸少. 你睇中國隊,邊個係輸住來打? 現實o的,業餘運動員係, 但專業運動員唔係......
說話又唔可以咁講 高禮澤李靜 頭4年來香港都無咩成績 屢敗屢戰 系自從去完德國打聯賽後佢先掌握到點樣對付歐洲球員
佢地一早已經系國家隊成員 都要有足夠機會先可以出一兩次成績 可況系實力稍差的本地球員 他們不是需要更多大賽經驗嗎
好似國家隊呢排培養Fan Zhen Dong 比好多公開賽世界賽機會佢 明知佢攞吾到成績都會想佢吸取大賽經驗 早日接替前輩
作者: kelvinyaar    時間: 2013-6-27 20:51

中國係屈機d
作者: Baukaw    時間: 2013-6-27 20:56

以前中學時代“七十年代“。。打波成日聽到人講“结恒“的球員好强，唔知而家此會如何？
作者: lmichael    時間: 2013-6-27 21:18

引用:
原帖由 yoman 於 2013-6-27 13:03 發表

說話又唔可以咁講 高禮澤李靜 頭4年來香港都無咩成績 屢敗屢戰 系自從去完德國打聯賽後佢先掌握到點樣對付歐洲球員
佢地一早已經系國家隊成員 都要有足夠機會先可以出一兩次成績 可況系實力稍差的本地球員 他們不 ...
高禮澤,李靖當年都唔弱了,李靖係國家隊, 高禮澤全國青年賽係頭幾位, 本土運動員只要有佢地完成水準,乒總早就放重點係佢地身上了.
作者: lmichael    時間: 2013-6-27 21:22

引用:
原帖由 Baukaw 於 2013-6-27 20:56 發表
以前中學時代“七十年代“。。打波成日聽到人講“结恒“的球員好强，唔知而家此會如何？
其實結恆,即係李學榮佢地, 當年,有個名教練,簡偉雄,佢教O左好多有天份既球員出來,到現在,佢都仲做緊陪訓教練既O野,隊波都仲係張文光佢地,但老實講,現在真係唔夠O的靚仔打,講出名既球隊,又點可以唔講富林電子.我又有內幕
作者: Baukaw    時間: 2013-6-27 22:11

thx. Imichael.
作者: 天樂    時間: 2013-6-28 01:23

引用:
原帖由 lmichael 於 2013-6-27 21:18 發表


高禮澤,李靖當年都唔弱了,李靖係國家隊, 高禮澤全國青年賽係頭幾位, 本土運動員只要有佢地完成水準,乒總早就放重點係佢地身上了.
我都同意國援的確係提昇了整體香港乒乓球既風氣和水平
作者: 速鳥    時間: 2013-6-28 08:30

完來樓主行過圈都係想話中國好、香港好。
作者: 速鳥    時間: 2013-6-28 08:35

係到吾可以吾講一聲：多謝貓叔叔，本地多搞比賽先至係提升本地球員的不二之法。
作者: samson2012717    時間: 2013-6-28 09:05

引用:
原帖由 天樂 於 2013-6-28 01:23 發表

我都同意國援的確係提昇了整體香港乒乓球既風氣和水平
國援可能提昇了香港乒乓球對外比赛暫時性的水平，但卻嚴重打擊香港乒乓球既風氣。因無論本士球員天份有多高，最後都沒機會代表香港出赛。香港只看一支二線的中國隊代表香港。
作者: 金擇魚    時間: 2013-6-28 12:49

引用:
原帖由 天樂 於 2013-6-28 01:23 發表

我都同意國援的確係裡
國援打香港本土比賽都係被迫既,如果乒總真係有心提昇了整體香港乒乓球既風氣和水平,請多D陪練落黎,,攪多D國內長期集訓都可以,就好似單車隊咁.
作者: 一燈大師    時間: 2013-6-28 19:48

富林電子一家公司，又係一位郭先生(企鵝)做橋樑揾高水平球員做其代表參賽，但近年都無再揾球員參加...好幾個香港冠軍都為呢隊波出過力...明仔..基仔..係表表者....
作者: 一燈大師    時間: 2013-6-28 19:57

六君子事件已成為過去..., 今日香港乒壇..小朋友水平日漸提高...其實都係呢個運動推廣得好好...好多人都出咗好多力....., 有位前輩曾經這樣講: 業餘波就係業餘波..., 專業就專業..永遠好難比下去..., 香港本土暫時都好難出到職業球員..., 呢個係一系列配套問題..., 跟國內完全很比較..., 球員前途 , 退役後..等等問題...在香港...實在有點困難..
作者: lmichael    時間: 2013-6-28 22:50

引用:
原帖由 速鳥 於 2013-6-28 08:30 發表
完來樓主行過圈都係想話中國好、香港好。
唔係下下一講中港事情,就扣帽子,再加個中港矛盾帽子上去 我從來都係是其是,非其非. 只係講出個事實,就係本土球員未夠班......,引進國援,原因就係因為本土球員同世界既水平,有一個好大既鴻溝,怎麼又可以上綱上線到什麼中國好,香港好
作者: lmichael    時間: 2013-6-28 23:03

引用:
原帖由 samson2012717 於 2013-6-28 09:05 發表

國援可能提昇了香港乒乓球對外比赛暫時性的水平，但卻嚴重打擊香港乒乓球既風氣。因無論本士球員天份有多高，最後都沒機會代表香港出赛。香港只看一支二線的中國隊代表香港。
係唔係有O的本末倒至呢? 其實香港本土球員,近呢十年,都好多作賽機會,我睇過既,李冠毅對過朱世赫,謝家俊對過馬林,黃鎮廷對過老薩.......

如果如閣下所講, 因為國援會,所以打擊乒乓球風氣, 我舉香港兩個例子,羽毛球同體操,兩者中國都係強國,但係香港,誰的本土運動員成績更好?應該沒有人反對,羽毛球成績更好吧.但是羽毛球是有國援,而體操是沒有的.如果國援真的打擊本土乒乓球運動員,那應該體操會有更好的成績.

因此說國援打擊本土乒乓球運動員,其實講唔通.
作者: lmichael    時間: 2013-6-28 23:15

引用:
原帖由 一燈大師 於 2013-6-28 19:48 發表
富林電子一家公司，又係一位郭先生(企鵝)做橋樑揾高水平球員做其代表參賽，但近年都無再揾球員參加...好幾個香港冠軍都為呢隊波出過力...明仔..基仔..係表表者....
呢位真係老行家,連企鵝都識見
富林電子個老細.....,我識O架. 係個廠佬,鐘意打O下波,咁佢搞隊波,唔記得出幾多萬一個,總之唯一既要求,就係一定要攞全港第一,唔係的話,就無錢比,第二都無.企鵝搵人,咁基仔,明仔,呢兩個,好多人要叫佢地做哥,或者叔了,看來你應該係長老級了.....

係香港乒乓球既黑暗時代,佢地真係無敵,直到班細佬打起O左,即係李冠毅,謝家俊呢班. 李冠毅十幾歲就贏了明仔,基仔都唔一家贏到呢個徙第....,而呢幾個細佬,都好似唔缺錢,唔駛收你呢幾皮O野,企鵝自己都話無信心整隊波一定贏,咁原來攞唔到第一,就無錢.所以後來就散班了.
作者: lmichael    時間: 2013-6-28 23:27

引用:
原帖由 一燈大師 於 2013-6-28 19:57 發表
六君子事件已成為過去..., 今日香港乒壇..小朋友水平日漸提高...其實都係呢個運動推廣得好好...好多人都出咗好多力....., 有位前輩曾經這樣講: 業餘波就係業餘波..., 專業就專業..永遠好難比下去..., 香港本土 ...
其實現在退役球員,或者專業球員出路已經不少. 呢點我要澄清一下. 係二,三十年前,打波真係無出路,唔係的話,殷X祥就唔駛咁

但近呢十年,如果打得好(打得唔好無辦法),入到港青,甚至港青都未係,精英隊都OK. 中學就入名校,大學就有獎學金,攞MINIMUM REQUIREMENT就可以入大學了. 退了役先再讀,又可以用MATURE STUDENT申請入學,家俊,冠毅都係呢個成法入返去讀大學,就算唔讀書,又可以做全職,我識好幾個,真係大學畢業O左,都唔搵O左做,就去做全職教練,無論我贊唔贊成(其實我唔贊成),都真係養活到自己,以至一家,例如,康明,都OK啦,可以養妻活兒.我都已經唔講入埋做紀律部隊,又一面教波O個批.

我真係覺得現在乒乓球運動員,出路都真係算OK. 好過齋中學畢業O個批,又唔係運動員多多聲.
作者: yoman    時間: 2013-6-28 23:35

引用:
原帖由 lmichael 於 2013-6-28 23:27 發表


其實現在退役球員,或者專業球員出路已經不少. 呢點我要澄清一下. 係二,三十年前,打波真係無出路,唔係的話,殷X祥就唔駛咁

但近呢十年,如果打得好(打得唔好無辦法),入到港青,甚至港青都未係,精英隊都 ...
可以用minimum standard 入大學的 應該不多
每年最多2-3個大約 正常普通一個港青應該未必得 要代表香港參加過國際公開賽先得 比較難
可能以前a level 會多d例子 不過新學際dse 例子就不多
作者: 天樂    時間: 2013-6-28 23:59

引用:
原帖由 yoman 於 2013-6-28 23:35 發表

可以用minimum standard 入大學的 應該不多
每年最多2-3個大約 正常普通一個港青應該未必得 要代表香港參加過國際公開賽先得 比較難
可能以前a level 會多d例子 不過新學際dse 例子就不多
其實港大，中大，理大和城大都有運動員計劃收港青球員的，而且不止係乒乓球，籃球足球都有，視乎你實力和人面
作者: lmichael    時間: 2013-6-29 00:53

引用:
原帖由 天樂 於 2013-6-28 23:59 發表

其實港大，中大，理大和城大都有運動員計劃收港青球員的，而且不止係乒乓球，籃球足球都有，視乎你實力和人面
你係唔係城大阿樂?

乒乓球運動員入學計劃,第一個係我搞O架. 知唔知第一個係邊個?
作者: 天樂    時間: 2013-6-29 01:05

引用:
原帖由 lmichael 於 2013-6-29 00:53 發表

你係唔係城大阿樂?

乒乓球運動員入學計劃,第一個係我搞O架. 知唔知第一個係邊個?
係咪糖韻？

[ 本帖最後由 天樂 於 2013-6-29 01:06 編輯 ]
作者: HK-KC    時間: 2013-6-29 01:42

引用:
原帖由 lmichael 於 2013-6-28 23:27 發表


其實現在退役球員,或者專業球員出路已經不少. 呢點我要澄清一下. 係二,三十年前,打波真係無出路,唔係的話,殷X祥就唔駛咁

但近呢十年,如果打得好(打得唔好無辦法),入到港青,甚至港青都未係,精英隊都 ...
難得有前輩講下歷史.

依家個市場的確是比十幾廿年前好左好多.

多了很多小朋友打波係一件好事,所以依家做教練怎樣也好過以前.

有時其實好矛盾,無成績,無FUNDING,即係無發展.

所以才有乒乓男女孖寶的出現,但本土的確又不夠水平和她們爭一日長短,因此亦沒機會出他們,也不能說什麼.

但有樣不太明白,日本也經歷一個很長的低潮期,而且也是由國援(小山智麗,韋晴光)帶大班日本小將,

何解不仿傚一下日本的做法呢?還是因資源未能配合所以仿傚不了?
作者: lmichael    時間: 2013-6-29 03:04

引用:
原帖由 天樂 於 2013-6-29 01:05 發表

係咪糖韻？
唔係佢,佢係之後, 第一個係BONNIE, 係我一手一腳搞返來 仲唔知我係邊個
作者: lmichael    時間: 2013-6-29 03:16

引用:
原帖由 HK-KC 於 2013-6-29 01:42 發表


難得有前輩講下歷史.

依家個市場的確是比十幾廿年前好左好多.

多了很多小朋友打波係一件好事,所以依家做教練怎樣也好過以前.

有時其實好矛盾,無成績,無FUNDING,即係無發展.

所以才 ...
老實講,問題係我之前都講過,我地選材,選唔到天份高既球員,因為我地選材係從成績去選,而成績,係少年既運動員,可以因為有錢,而比其他人有更早既起步同埋有更好既師資.
日本選材成功,所以才有現在既黃金一代, 個個都話李皓晴同杜XX青年賽成績好,但係其實人地好少出O的年紀好大既球員去打青年賽, 例如今次世青賽,杜XX贏了冠軍,第二名既係日本隊,佢....只係得十四歲定十五歲. 佢地杜XX打足咁多局,杜已經係最後一年可以參加呢個比賽. 中國隊,咁既年紀,早就打成人賽了.

其實你留意下,日本係出好多有天份既年青球員,例如,福元愛, 石川佳純, 水谷準都出道好早就有成績. 其實有天份既球員,佢地比賽成績係有特質,就係可能未必很好,但係會見到佢係好細個,就能夠贏到,或者沖擊到O的名將. 唔穩定,但係有機會打到變殺瓦人, 呢個就係有天份既球員既特徵.
作者: 金擇魚    時間: 2013-6-29 04:54

引用:
原帖由 lmichael 於 2013-6-29 03:04 發表


唔係佢,佢係之後, 第一個係BONNIE, 係我一手一腳搞返來 仲唔知我係邊個
第一個係BONNIE,係咪李X珊呀?
作者: lmichael    時間: 2013-6-29 10:00

引用:
原帖由 金擇魚 於 2013-6-29 04:54 發表

第一個係BONNIE,係咪李X珊呀?
無錯,就係李SIR個女, 其實真係因為佢既表現太好,唔止係乒乓球,而且整體學業,做人處事,所以先至後來城大乒乓球先收咁多精英運動員.
作者: devin    時間: 2013-6-29 11:03

天材球員重要?還是全心投入更早全職打波重要?
香港需要那一類本土球員？
有天份但太遲全職，便埋怨機會太少會不會有點兒??
始終代表香港隊的比賽是全職球員的比賽
作者: lmichael    時間: 2013-6-29 11:24

引用:
原帖由 devin 於 2013-6-29 11:03 發表
天材球員重要?還是全心投入更早全職打波重要?
香港需要那一類本土球員？
有天份但太遲全職，便埋怨機會太少會不會有點兒??
始終代表香港隊的比賽是全職球員的比賽
我都希望努力,早起步就可以成功, 但運動員真係好殘酷, 大眾只看成績,唔會理你幾努力, 天份呢樣O野, 真係好難靠後天努力保救到, 你努力, 人地係努力+天份, 少年比賽, 你仲可以有成績, 但到成年就好難.

現實係,例如英超領隊,你幾努力都無用,球迷只看成績.
作者: TS2010    時間: 2013-6-29 11:34

香港只係彈丸之地，無論資源同人材，都不能同內地與日本比。
作者: 阿舜    時間: 2013-6-29 11:54

引用:
原帖由 TS2010 於 2013-6-29 11:34 發表
香港只係彈丸之地，無論資源同人材，都不能同內地與日本比。
香港對比日本有個優勢, 就係能夠經常北上交流習訓, 亦有很多優秀教練南下教波, 不過當然收費不便宜.
同內地當然不能比, 但如果訓練選才得宜, 同日本應該可以競爭, 畢竟好耐以前香港都出過世界冠軍
作者: Q_Q    時間: 2013-6-29 13:10     標題: 回復 8# 的帖子

係咪劉X明、薜X嘉？
作者: ttman    時間: 2013-6-29 13:19

唔知LZ係邊個？但明顯係資深行內人。字字真言，實話實說，贊一個！
作者: HK-KC    時間: 2013-6-29 13:39

引用:
原帖由 lmichael 於 2013-6-29 03:16 發表


老實講,問題係我之前都講過,我地選材,選唔到天份高既球員,因為我地選材係從成績去選,而成績,係少年既運動員,可以因為有錢,而比其他人有更早既起步同埋有更好既師資.
日本選材成功,所以才有現在既黃金一代, 個個 ...
其實香港以前已有很多很高天份的人,不是說一早有錢請師資那種,而是本身有天份的特質那種.

只是因看不到將來,才無奈放棄.最後寧願讀書好過,又或者不能專注發展,最後成長速度完全跟不上其他地方.

始終香港生活指數太高,講真呢個世界有誰人會看不到將來而拼將來?

當然本身屋企有家底除外.

如果香港有一些安全網的機制,可以令那班有天份的人看到將來,要發掘這批人又有何難?

[ 本帖最後由 HK-KC 於 2013-6-29 13:41 編輯 ]
作者: lmichael    時間: 2013-6-29 13:57

引用:
原帖由 HK-KC 於 2013-6-29 13:39 發表



其實香港以前已有很多很高天份的人,不是說一早有錢請師資那種,而是本身有天份的特質那種.

只是因看不到將來,才無奈放棄.最後寧願讀書好過,又或者不能專注發展,最後成長速度完全跟不上其他地方.

始終 ...
其實做運動員,從來都係無保障,邊度都係,台灣,大陸,日本都係,成功既從來是小部份,例如日本,成功既計運動員之外,其他都係做回打工仔一名. 其實乒乓球運動員遇到的問題,其他運動都有,現在香港退役的精英運動員,出路已經比二十年前好,黑妹係教育學院讀緊,不少退役既運動員,去了中大,浸大讀體育管理, 以後都係一條出路.

黑妹,金寶,牛下女車神, 珊珊都有一個共通點,就係......少年窮. 所以反正選擇不多,反而專心一拼做出成績. 我想問,李晧晴屋企有無錢O架?

另外.......你係唔係炒緊FMCC既師兄?

[ 本帖最後由 lmichael 於 2013-6-29 13:58 編輯 ]
作者: 天樂    時間: 2013-6-29 14:01

引用:
原帖由 lmichael 於 2013-6-29 03:04 發表


唔係佢,佢係之後, 第一個係BONNIE, 係我一手一腳搞返來 仲唔知我係邊個
已經估到了…
作者: lmichael    時間: 2013-6-29 14:06

引用:
原帖由 天樂 於 2013-6-29 14:01 發表

已經估到了…
老人家唔講大話.
作者: lmichael    時間: 2013-6-29 15:34

首先,其實唔駛咁神化日本, 佢地既訓練方式以及乒乓球理論, 未及中國先進.所以福元愛同石川佳純,同埋早矢香, 都係去O左中國長期訓練,佢地仲識得講普通話了.

香港近十年, 香港訓練系統, 其實都係師承中國訓練法, 所以唔駛咁罔自菲薄. 香港既本土青少年成績唔差得過日本.
作者: HK-KC    時間: 2013-6-29 18:43

引用:
原帖由 lmichael 於 2013-6-29 13:57 發表


其實做運動員,從來都係無保障,邊度都係,台灣,大陸,日本都係,成功既從來是小部份,例如日本,成功既計運動員之外,其他都係做回打工仔一名. 其實乒乓球運動員遇到的問題,其他運動都有,現在香港退役的精英運動員,出路 ...
所以依家已經比以前幸福。以前如何有天份也是徒然。@@

但現在出現一個情況是，有天份但沒有錢請教練的，

因成績不及自小有教練的小朋友，因此亦會埋沒了他們。

所以窮的如何努力也未必有機會出頭，有錢的正如兄所講，

他們到了中途還可有更多選擇，到頭來也是放棄。

這樣就會出現一個窮的不能出頭，富的不能堅持的局面。@@"

Btw,這個版談乒乓球，如談其他會被黑暗版主封嘴的....^^
作者: lmichael    時間: 2013-6-29 18:51

引用:
原帖由 HK-KC 於 2013-6-29 18:43 發表



所以依家已經比以前幸福。以前如何有天份也是徒然。@@

但現在出現一個情況是，有天份但沒有錢請教練的，

因成績不及自小有教練的小朋友，因此亦會埋沒了他們。

所以窮的如何努力也未必有機會出頭，有 ...
乒總有乒總既難處,你搵幾個有更份,但成績排名無咁高既做重點陪訓,選入港青,有幾多虎爸虎媽投訴爆......
作者: HK-KC    時間: 2013-6-29 18:55

引用:
原帖由 lmichael 於 2013-6-29 18:51 發表


乒總有乒總既難處,你搵幾個有更份,但成績排名無咁高既做重點陪訓,選入港青,有幾多虎爸虎媽投訴爆......
但最攪笑的是你所講的虎爸虎媽的仔女，那麼多年有幾多個能堅持到最後？@@"
作者: 阿舜    時間: 2013-6-29 19:17

引用:
原帖由 HK-KC 於 2013-6-29 18:55 發表



但最攪笑的是你所講的虎爸虎媽的仔女，那麼多年有幾多個能堅持到最後？@@"
可能會堅持到入到名校後就算
如果新加2-3個名額係只為未來打職業, 唔係為入名校(例如簽約規定一定要打滿5年-10年職業), 唔知得唔得. 不過實行係來應該幾難下
可能好多人會覺得我講呢樣野好白痴, 不過如果引伸到d新諗法出來都唔錯

[ 本帖最後由 阿舜 於 2013-6-29 19:23 編輯 ]
作者: samson2012717    時間: 2013-6-29 19:33

引用:
原帖由 TS2010 於 2013-6-29 11:34 發表
香港只係彈丸之地，無論資源同人材，都不能同內地與日本比。
如果日本好似香港咁引入幾個中國外緩，我相信曰本都唔會有天材出到赛。
作者: samson2012717    時間: 2013-6-29 19:40

其實任何國家好似香港咁引入幾個中國外緩，都唔會有天才可以代表自己國家出赛。
作者: HK-KC    時間: 2013-6-29 20:13

引用:
原帖由 samson2012717 於 2013-6-29 19:33 發表

如果日本好似香港咁引入幾個中國外緩，我相信曰本都唔會有天材出到赛。
日本都有國援的，但用法不同香港而已。
作者: HK-KC    時間: 2013-6-29 20:15

引用:
原帖由 阿舜 於 2013-6-29 19:17 發表

可能會堅持到入到名校後就算
如果新加2-3個名額係只為未來打職業, 唔係為入名校(例如簽約規定一定要打滿5年-10年職業), 唔知得唔得. 不過實行係來應該幾難下
可能好多人會覺得我講呢樣野好白痴, 不過如果 ...
Haha.....中point.因為目標不同，所以保養期亦不同^^

你估好似我地呢d老人家，仲堅持到現在。^0^
作者: 金擇魚    時間: 2013-6-29 22:24

引用:
原帖由 Q_Q 於 2013-6-29 13:10 發表
係咪劉X明、薜X嘉？
果然係行內人. X就X....X海X..
作者: 金擇魚    時間: 2013-6-29 22:45

引用:
原帖由 阿舜 於 2013-6-29 19:17 發表

可能會堅持到入到名校後就算
如果新加2-3個名額係只為未來打職業, 唔係為入名校(例如簽約規定一定要打滿5年-10年職業), 唔知得唔得. 不過實行係來應該幾難下
可能好多人會覺得我講呢樣野好白痴, 不過如果 ...
其實打少年精英同港青已經要簽協議書.
作者: Boo    時間: 2013-6-29 22:47

引用:
原帖由 金擇魚 於 2013-6-29 22:24 發表

果然係行內人. X就X....X海X..
當時結恆係有簡偉雄，陳獻鈞，李學榮，張文光，劉就明，馮浩然，聞啟泰，崔湛全。
作者: lmichael    時間: 2013-6-29 23:08

其實都可以用日本隊現在既辦法,把有溍質既,比錢直接送去大陸做訓練. 呢個效果唔錯.
作者: 乒乓在線    時間: 2013-7-2 13:10

或者是吾主觀, 雀得球體加大到40mm算是令乒乓再普及的其中一個原因.
作者: tomcat    時間: 2013-7-14 00:06

另一個係唔係潘瑞榮?



歡迎光臨 香港乒乓網 (http://hkttf.com/) Powered by Discuz! 6.0.0