香港乒乓網 - Powered by Discuz! Board

標題: 點解羽毛球出到黑妹? 乒乓球出唔到? [打印本頁]

作者: lmichael 時間: 2013-6-18 16:51 標題: 點解羽毛球出到黑妹? 乒乓球出唔到?

近年香港羽毛球, 本土選手成績真係打得唔錯, 表表者就係黑妹, 其實世界少年賽來講, 香港都唔錯, 但一到青年賽, 就慢慢成績越來越差, 香港現在女子本土最好成績, 應該係李浩晴, 但同黑妹都仲有距離. 男子成績, 黃永棋世界前二十,打贏過林丹, 香港乒乓球幾時先有?

羽毛球同乒乓球既背景好似,都係中國係強國,我覺得羽毛球更難出成績,因為羽毛球係亞洲,好多國家都好重視,乒乓球其實中國以外,其他國家水平同中國都一定既差距. 香港都係輸入球員,乒乓球不講了,羽毛球就有王晨,周蜜, 資源應該差唔多, 乒乓球可能甚至好一點.點解到現在,都係出唔到本土世界級球員呢?

其實我覺得香港近年選材,在少年隊選材開始, 就可能有問題.大家可以討論一下.

作者: Boo 時間: 2013-6-18 17:00

明顯就係管理上策略同目光短淺有關！

作者: (=^x^=) 時間: 2013-6-18 17:01

其实香港乒乓球壇也有黑仔 “林偉信”
不過暫時只是乙組
黑仔，你要加油

作者: (=^x^=) 時間: 2013-6-18 17:08

引用:

原帖由 lmichael 於 2013-6-18 16:51 發表
近年香港羽毛球, 本土選手成績真係打得唔錯, 表表者就係黑妹, 其實世界少年賽來講, 香港都唔錯, 但一到青年賽, 就慢慢成績越來越差, 香港現在女子本土最好成績, 應該係李浩晴, 但同黑妹都仲有距離. 男子成績, 黃永棋 ...

其实近年有乒總攪得少年精英很不錯，去年在日本東亞兒童杯都取得男子團体四強
剛剛的希望之星李嘉宜（不足11碎）更帶領香港取得團体及個人冠軍

今日香港乒乓球的水平其实已經不差，但日本，韓國，台灣等地也很利害，很多外國小朋友也送到國內習訓
單是泰國便有一群青少年在河北三年不回家習訓，香港其实近年也有黃掁庭，最近與張繼科打到2：3，
當時與黑妹相比也有很大距 DISTANCE

另有一很現实問題，運動員退后有何出路？

作者: nixonwin 時間: 2013-6-18 17:38

其實羽毛球的普及性和重視程度都勝過乒乓球，林丹的知名度與受歡迎都勝過張繼科，黑妹自然勝過李浩晴，其實看真會發現打乒乓球的人相比沒有星味，因為多少關於EQ同禮貌問題，每次見到球手贏波後（𡯁其中國球手）總木口木臉，甚少安慰對手，波爾除外😳

作者: wlwlwl 時間: 2013-6-18 17:39

in squash we have a very high ranked player in Au Wing Chi, she is number 14

作者: poon 時間: 2013-6-18 18:07

好簡單.....因為黑妹唔識打乒乓球, 她只識打羽毛球囉!

作者: bmhv 時間: 2013-6-18 20:47

要有一班孩子及其父母都同意十多幾就去訓練，又要有一個學校去進行呢件事。
仲要比機會佢地去打比賽。

作者: gx7615 時間: 2013-6-18 21:08

比多少少時間

2004年之前香港無咩小朋友練乒乓波
自從04奧運雙打銀牌之後先開始有家長比仔女學打

到依家大約差唔多9年應該過多一兩年就有成果

不過香港有幾多個孔軍凱可以令學校同家長放心比佢去做全職球員...

[ 本帖最後由 gx7615 於 2013-6-18 21:10 編輯 ]

作者: lmichael 時間: 2013-6-18 23:44

引用:

原帖由 Uncle Mao 於 2013-6-18 17:08 發表

其实近年有乒總攪得少年精英很不錯，去年在日本東亞兒童杯都取得男子團体四強
剛剛的希望之星李嘉宜（不足11碎）更帶領香港取得團体及個人冠軍

今日香港乒乓球的水平其实已經不差，但日本，韓 ...

首先,我都係老人家

我都講,乒乓球既少年賽成績打得不錯,但係由青年組之後, 成績就越來越差.

其實羽毛球運動員退役,比乒乓球運動員困難更大啦,現在乒乓球做全職教練比羽毛球多啊.

作者: lmichael 時間: 2013-6-18 23:47

引用:

原帖由 Uncle Mao 於 2013-6-18 17:09 發表

同意選材由細開始，目見最近三位少年港青進步神SPEED，乒總功不可沒

首先,我完全同意現在乒總搞青少年比賽,搞得不錯, 其實唔止青少年,同九十年代中既黑暗時代比較, 整體都已經很好,比很多總會都搞得好,問題係,點解成年之後,出不到世界級選手呢?

作者: lmichael 時間: 2013-6-18 23:56

引用:

原帖由 nixonwin 於 2013-6-18 17:38 發表
其實羽毛球的普及性和重視程度都勝過乒乓球，林丹的知名度與受歡迎都勝過張繼科，黑妹自然勝過李浩晴，其實看真會發現打乒乓球的人相比沒有星味，因為多少關於EQ同禮貌問題，每次見到球手贏波後（𡯁其中國球手 ...

羽毛球同乒乓球在中國受歡迎程度係差唔多, 老實講, 林丹係完全是他自己的星味,你記得林丹,咁你記不記得邊個攞奧運女子羽毛球單打冠軍? 你記得林丹,唔記得李雪芮.是因為林丹星味重.乒乓球也曾經有個,唔一定要靚仔靚女,最緊要有自己風格, 要有激情. 乒乓球既星味人物......鄧亞萍.

作者: lmichael 時間: 2013-6-18 23:58

引用:

原帖由 gx7615 於 2013-6-18 21:08 發表
比多少少時間

2004年之前香港無咩小朋友練乒乓波
自從04奧運雙打銀牌之後先開始有家長比仔女學打

到依家大約差唔多9年應該過多一兩年就有成果

不過香港有幾多個孔軍凱可以令學校同家長放心比佢去做全職 ...

可能你唔知,孔軍凱同趙仲熙都已經放棄全職了.

作者: lmichael 時間: 2013-6-19 00:07

今晚太夜, 明日我講下我呢五,六年見到既問題,就係天份和成績被扭曲.

黃振庭與謝家俊.

作者: yoman 時間: 2013-6-19 01:01

講實力香港既本地球員其實完全吾差
今次全國運動會黃振廷多次帶領香港取得兩分反而老將梁x恩張鈺江天一就好少贏球
女仔李浩晴吳穎藍進步神速世界排名前50 又贏過福園愛吳佳多等
兩年內他們應該可以成材

至於青少年的問題香港乒總資源分配問題嚴重
浪費太多資源在球拍膠皮上青少年球員打巡迴賽機會不多甚至需要自費
香港球員連青少年巡迴賽的機會也不多但差不多水平的日本韓國台灣甚至新加玻青年球員已經參加u21 以及成年人巡迴賽就算贏不了球也增加經驗以及排名
其實呢2年香港男隊取得u15亞青第三僅次中國以及台灣
但青少年世界排名方面比日本韓國差的遠香港一年派球員打2-3站比賽別人打12-13站爆冷贏高手既既機會好多經驗信心自然提升
希望香港多D比機會青少年參加成人巡迴賽取經驗
以及提供更多運動員升學退役的幫助
鼓勵全職運動員的發展

作者: lmichael 時間: 2013-6-19 11:21

引用:

原帖由 yoman 於 2013-6-19 01:01 發表
講實力香港既本地球員其實完全吾差
今次全國運動會黃振廷多次帶領香港取得兩分反而老將梁x恩張鈺江天一就好少贏球
女仔李浩晴吳穎藍進步神速世界排名前50 又贏過福園愛吳佳多等
兩年內他們應該可以成材 ...

咦?黃鎮庭全運預賽多次攞兩分? 可唔可以有來源? 我只知他夾唐鵬贏預賽, 可以入到全運會.

其實女仔真係比較容易打到好成績.李晧晴打得唔錯.已經排到三十幾.
講起李晧晴,幾年前開始留意,以為佢可以打得起,因為同年,佢既青年賽既死敵,好多時就係.......石川佳純,石川2012奧運就已經是奧運單打第四,團體銅牌.以前睇,李晧晴同石川係有得打.

希望他們兩個可以打好o的, 現在贏既主要都係外援球員打雙打多.

作者: lmichael 時間: 2013-6-19 11:27

其實乒總呢幾年搞青少年, 都已經搞得很不錯了, 我想是歷來, 最多對外比賽同埋外地集訓.

作者: yoman 時間: 2013-6-19 11:32

香港--山东2:3
黄镇廷-- 孔令轩3:2(6,-4,6,-7,5)
梁柱恩-- 吴颢0:3(-3,-8,-10)
张钰-- 陶文章★ 0:3(-4,-7,-8)
黄镇廷-- 吴颢3:2(-7,8,-8,9,1)
梁柱恩-- 孔令轩2:3(8,3,-6,-12,-6)
http://tabletennis.sport.org.cn/home/xhgg/2013-06-07/401761.html

作者: yoman 時間: 2013-6-19 11:38

引用:

原帖由 lmichael 於 2013-6-19 11:27 發表
其實乒總呢幾年搞青少年, 都已經搞得很不錯了, 我想是歷來, 最多對外比賽同埋外地集訓.

比起其他亞洲國家香港青少年球員機會少得很
明明資源就非常充裕但卻沒有用在到外比賽
5年前到香港有個李冠毅個時打青少年賽贏陳建安黃盛聖奧查
不過都無被栽培宜家讀翻大學
人地已經世界冠軍了

作者: lmichael 時間: 2013-6-19 11:40

香港乒乓球, 一到成年賽, 本土球員成績就下落, 主要既原因是..........因為有錢. 錢扭曲了天份同成績.

我所講既扭曲, 其實唔係話邊個錯, 其實無論乒總,教練,家長,球員都無錯.所以並不是追究責任,只是以事論事.

在香港, 其實大部份既運動,都係由少年開始選材,無論游水,足球,乒乓球都係咁, 一般就係你踢訓練班或者打比賽, 總會教練覺得你有天份,所以找你做精英, 再在精英中找精英中既青年軍, 重點陪訓球員, 一班幾百人既兒童, 練了幾個月, 我想做過教練都知, 其實好快睇到出來, 再係分齡賽之類, 前八名通常都已經係有些天份. 基本上, 這樣選, 打得好些的兒童, 例如8-9歲, 就是天份最好既一批, 找了這些做精英, 再練多一,兩年, 邊幾個係重點都看得出來, 由少年, 練到青年, 到成年. 由游泳到羽毛球都是這樣.......是不是?

但這個方法放在乒乓球, 那就出問題了, 大家看到香港乒乓球的問題未?

下次再講.

重申, 我唔係指責邊個做錯.

作者: lmichael 時間: 2013-6-19 11:45

引用:

原帖由 yoman 於 2013-6-19 11:38 發表

比起其他亞洲國家香港青少年球員機會少得很
明明資源就非常充裕但卻沒有用在到外比賽
5年前到香港有個李冠毅個時打青少年賽贏陳建安黃盛聖奧查
不過都無被栽培宜家讀翻大學
人地已經世界冠軍了

邊個話無栽培? 其實乒總都唔知幾想出個黑妹來啦. 以我所知, 乒總都係一樣會派幾個年青球手出外打, 只係成績最好既幾個,自費既,係本來以前無機會,現在可以自費參加. 其實就算中國隊,都唔係所有青年巡迥賽都打.

李冠毅係一個好好既例子. 我想問一你一個問題, 黃鎮廷係幾多歲先至開始贏李冠毅?

作者: lmichael 時間: 2013-6-19 11:48

引用:

原帖由 yoman 於 2013-6-19 11:32 發表
香港--山东2:3
黄镇廷-- 孔令轩3:2(6,-4,6,-7,5)
梁柱恩-- 吴颢0:3(-3,-8,-10)
张钰-- 陶文章★ 0:3(-4,-7,-8)
黄镇廷-- 吴颢3:2( ...

黃鎮廷又打得唔錯啊. 打得贏省隊已經唔錯, 點解唔出江天一同唐鵬? 梁柱恩單打係差少少.

作者: yoman 時間: 2013-6-19 11:51

引用:

原帖由 lmichael 於 2013-6-19 11:45 發表

邊個話無栽培? 其實乒總都唔知幾想出個黑妹來啦. 以我所知, 乒總都係一樣會派幾個年青球手出外打, 只係成績最好既幾個,自費既,係本來以前無機會,現在可以自費參加. 其實就算中國隊,都唔係所有青年巡迥賽都打.

...

18 19歲左右啦
中國有實力打1-2站已經可以出成績升排名
香港未必得
其實香港青少年基本上每次出去比賽都實有獎在世界和亞洲前列位置
但來港的中國老將卻有很多機會出賽而沒有把握應該多撥資源給本地球員
外援高峰已經過了其實趙神童2-3年前仲同niwa kenta等差不多現在已有明顯距離

作者: yoman 時間: 2013-6-19 11:53

引用:

原帖由 lmichael 於 2013-6-19 11:48 發表

黃鎮廷又打得唔錯啊. 打得贏省隊已經唔錯, 點解唔出江天一同唐鵬? 梁柱恩單打係差少少.

孔令軒同吳顥其實都系國一陪練成員
擺得黃鎮廷打一號主力證明教練已經好信任他
希望2016奧運男子隊會有1-2名本地球員啦

作者: lmichael 時間: 2013-6-19 12:10

引用:

原帖由 yoman 於 2013-6-19 11:51 發表

18 19歲左右啦
中國有實力打1-2站已經可以出成績升排名
香港未必得
其實香港青少年基本上每次出去比賽都實有獎在世界和亞洲前列位置
但來港的中國老將卻有很多機會出賽而沒有把握應該多撥資源給本地球員
...

如果乒總唔放資源係青少年度,青年賽就唔會有咁好成績啦,其實乒總一樣比本土球員打成年巡迥賽,呢點好多人都誤解,只係好多時,第一,兩round就被ko. 李冠毅都對過朱世赫. 打得好少少,例如林晧晴,幾乎場場都放.黃鎭廷都多好多機會. 乒總真心想比多o的機會本土球員o架.

作者: yoman 時間: 2013-6-19 12:17

引用:

原帖由 lmichael 於 2013-6-19 12:10 發表

如果乒總唔放資源係青少年度,青年賽就唔會有咁好成績啦,其實乒總一樣比本土球員打成年巡迥賽,呢點好多人都誤解,只係好多時,第一,兩round就被ko. 李冠毅都對過朱世赫. 打得好少少,例如林晧晴,幾乎場場都放. ...

我既意思系可以比u18 球員都試下打成人巡迴賽
日本台灣韓國新加玻正系不斷做呢樣野
所以呢d國家就系青少年上大人既階段進步比我地快以致開始有差距
香港系u15既發展算好好但之後好多有潛能都無踏上運動員之路比較可惜
李冠毅其實大部分比賽同訓練都系自費:( 反而黃振廷就真系開始被重視

作者: lmichael 時間: 2013-6-19 12:30

引用:

原帖由 yoman 於 2013-6-19 12:17 發表

我既意思系可以比u18 球員都試下打成人巡迴賽
日本台灣韓國新加玻正系不斷做呢樣野
所以呢d國家就系青少年上大人既階段進步比我地快以致開始有差距
香港系u15既發展算好好但之後好多有潛能都無踏上運動員之 ...

李冠毅自己加鐘o者

咁黃鎮廷當年係唔係u15最勁o個個?

作者: yoman 時間: 2013-6-19 12:36

引用:

原帖由 lmichael 於 2013-6-19 12:30 發表

李冠毅自己加鐘o者

咁黃鎮廷當年係唔係u15最勁o個個?

個時有幾個好過佢如李忠謙鄭楚風
呢2個都試過全職亦有不錯成績但不知道為何中途退出還是不被重用
李忠謙試過亞青單打第三鄭楚風亦贏過國家隊金意雄以及伊朗天才阿里梅安noshed
不如到你分享謝家俊的故事

作者: lmichael 時間: 2013-6-19 13:48

引用:

原帖由 yoman 於 2013-6-19 12:36 發表

個時有幾個好過佢如李忠謙鄭楚風
呢2個都試過全職亦有不錯成績但不知道為何中途退出還是不被重用
李忠謙試過亞青單打第三鄭楚風亦贏過國家隊金意雄以及伊朗天才阿里梅安noshed
不如到你分享謝家俊的故事

打到青少年都仲有成績, 但成年組別就不一樣了. 大孔都放棄了.

作者: (=^x^=) 時間: 2013-6-19 13:59

其实我很欣賞孔鏵德，少說話，認真打波，也打得好出色
知道他放棄打全職其实內心也很失望
其实可以比多一兩年時間佢，很多明星如科豆都是大器晚成
況且青少年未完全發育，過兩年唔知什麼回事
最近見佢負傷打恒生學界也很出色，只是四強很險輸比DBS
后來因傷四強無法再打，否則亦有權取冠軍
他欠缺只是一個机會

作者: (=^x^=) 時間: 2013-6-19 14:00

相信兩位都是資深過來人，我們也希望香港可以出到 GOLDEN PO 或者 BLACK MUI

作者: lmichael 時間: 2013-6-19 15:00

首先重申, 係無對同錯, 亦唔係講邊個o岩既問題, 只係以事論事.

其實香港乒乓球同其他運動最大既分別, 係好多球員, 好早, 甚至超早就已經受極好既師資訓練, 我所講既那一批屋企有點錢, 幾乎一學波就係馮林, 蒙剛雄呢類教練, 而且自己又鐘意打, 屋企又唔介意比錢, 於是好所謂多天才球手出現, 例如, 謝家俊, 李冠毅, 趙仲熙呢o的係表表者, 其實仲有好多, 趙仲熙攞過全國少年冠軍.......

. 現在都有三孔.....等等.

其實佢地有個特點, 就係自己都好喜歡打, 幾乎全部都想過做全職, 老實講, 乒總訓練對少年訓練, 最多就係新一代, 再加青苗, 呢類訓練強度同一對一既訓練強度,相差其實非常非常遠. 其他國家都一樣係, 十一歲前,好少一對一訓練, 所以十歲之前, 香港隊既成績係比其他地區優勝.

但年紀再大一些, 無錯呢班球員, 有教練, 打得早, 自己又有心, 但係問題係......他們無世界級既天份. 世界級既天份......, 舉個例, 馮林教練--有無人同他打過, 他是最接近呢個天份. 簡單而言, 感覺是我既反應做了一個動作, 他已可以做到兩個, 佢個反應係快到你唔信. 當然仲有其他, 例如手感, 身體協條....等等.

呢個天份, 當你練了四年, 他練了兩年, 兩個打比賽, 是看不出來, 但當到十六歲, 你練了十年, 他也練了八年, 你就會發覺, 他已追過了你, 就是呢個原因, 所以到十六歲之後, 香港本土選手, 成績就開始下降, 下降o者,都仲有成績, 但到成人組, 你打了十二年, 人地可有些打了二十年球啊.

更重要的係, 呢班香港所謂少年天才球員, 個個屋企都有錢, 呢班少年, 好多成績仲唔錯. 他們不用乒乓球做職業, 大可以以後做律師, 做會計師, 做醫生....., 當十六歲,成績下降, 有幾多個會選擇捱去? 例如趙仲熙, 小學全級第二啊.......

在大陸, 少年宮裡, 乒乓球是他們唯一的出路, 打不到省隊, 就沒有出路保障.

就以李冠毅和黃鎮廷為例, 李十一歲時, 無錯真係已經好勁, 黃那時可能無得打, 因為李當時已經打了三,四年球. 黃當時是無可能請私鐘教練. 到十八歲, 李冠毅已經到頂, 黃已經追過, 因為黃鎮廷已經打了七,八年波, 由十五歲亦開始有系統地訓練. 問題係.....黃鎮庭到二十歲雖然仍然在進步, 但他能追回系統訓練起步太遲的時間嗎? 在十二,三歲時, 黃鎮廷可還要比這批早開始練的有錢"天才"球員壓著啊. 沒機會成為重點陪訓.

黃鎮庭, 其實天份真的很好, 看他的ittf比賽, 他的反手和步法, 我覺得和中國隊相差不遠, 但問題係.......他的正手. 真係似街場正手, 擲個波出去, 無錯, 係香港就殺晒, 但出到去, 我睇幾場, 例如對老薩, 人地寧願退一點比你打, 反正你打不死. 有次對南韓, 一比較, 就發覺速度有多大分別.
如果他從小就有重點陪訓, 就應該唔會有呢個問題, 現在能不能再上一層, 就要看能不能改到.
黃鎮廷也算好一點了, 因為打法仍不是太"街場". 但是, 例如麥景晧真係太浪費, 他也是很有天份的球員, 但是他的街場打法, 真的很難去改.亦很難殺進世界級.
香港因為少年成績給錢扭曲了, 以至令一些有天份既選手遲了才有系統訓練, 真係好可惜.

其實黑妹天份也不算高, 不過他說, 1. 他成績不好, 2, 他家亦沒有錢, 中三時羽總叫他打全職, 他不知多開心, 屋企反對亦不大. 反正其他都沒出路, 就專心把球打好.

作者: lmichael 時間: 2013-6-19 15:01

引用:

原帖由 Uncle Mao 於 2013-6-19 13:59 發表
其实我很欣賞孔鏵德，少說話，認真打波，也打得好出色
知道他放棄打全職其实內心也很失望
其实可以比多一兩年時間佢，很多明星如科豆都是大器晚成
況且青少年未完全發育，過兩年唔知什麼回事
...

係孔軍凱唔打全職o者. 孔家兩兄弟仲打緊.

作者: mankit 時間: 2013-6-19 15:19

yoman及Imicheal的論點非常精彩,的確道出問題所在.

作者: (=^x^=) 時間: 2013-6-19 15:41

我都覺得好精彩
路邊社消息体院好似想叫番軍凱打全職，他一復出讀書便一年內取得全港學界精英，恒生學界，及帶領 DBS 取得大滿貫，風頭一時無兩。
mankit, we are waiting for your comments

其实用IMICHAEL 的態度討論十分好，不是下下都投訴，香港人投訴文化太深
作為后輩我也覺得聽君一席話，勝做十年論壇
的而且確是王沒有退路，只有打波，所以專心，專注
而麥景皓其实好聰明，亦好有天份，奈何真的受專業訓練太遲

BTW，馮林在我心目中真的是最好的 COACH，HARD SELL

球技，球品，人品

作者: mankit 時間: 2013-6-19 16:00

貓兄,我仍未有足夠資歷去評論呀.

但馮林教練真係好得無法用文字表達.

作者: (=^x^=) 時間: 2013-6-19 16:29

引用:

原帖由 mankit 於 2013-6-19 16:00 發表
貓兄,我仍未有足夠資歷去評論呀.
但馮林教練真係好得無法用文字表達.

馮教練其实唔好
因為鐘太爆，最近有人想加鐘都比某某某＋某某某＋某某某拿晒。 ha ha ha ha just kidding

馮林有一個傳說，凡跟佢的新學生，好快便可以取得冠軍及成績會突飛（我上週五親身体驗過，我跟佢練了15分鐘雙打，結果.......)

作者: 電子神童 時間: 2013-6-19 16:30

今日看到前輩討論乒乓壇, 的確獲益良多

, 如果可以的話, 又可否論一論香港做乒乓球全職好前逃和學業同乒乓球可否並存 ???

作者: lmichael 時間: 2013-6-19 20:04

講下馮林.

馮林第一個星期落深圳實利和, 我就和他打, 當年他連波都唔識執, 他係第一個教練比我睇到, 你自己係點練都無辦法去到既水平. 馮林最重要係認真, 國內球館教練, 最認真係佢, 唔係講笑, 以前每次都想同佢打兩個鐘, 但係一個半鐘一定無氣, 佢執波永遠唔會HEA住執, 唔理你會唔會無氣, 打少個鐘, 無耐後來太多學生, 所以搵第二個, 其實實利和當年真係多勁教練, 佢啦, 曲斌, 蒙剛雄, 後來張岩, 其實老孫都唔錯, 不過都落晒來做教練了, 香港教練搵食真係辛苦

現在實利和既教練水平同當時比, 真係差好遠.

作者: lmichael 時間: 2013-6-19 20:21

引用:

原帖由 電子神童 於 2013-6-19 16:30 發表
今日看到前輩討論乒乓壇, 的確獲益良多 , 如果可以的話, 又可否論一論香港做乒乓球全職好前逃和學業同乒乓球可否並存 ???

如果真心喜歡打乒乓球,我覺得可以放膽一試,老實講,同二十年前比,現在做全職真係好好多,你退役後,大把選擇,香港的大學, 可以有精英運動員入學計劃, 當然入到去,你要搏命一些啦,現在有體育讀O架, 畢業後, 做返運動管理, 就算讀唔到書, 可以做全職教練, 一路做, 一路讀下書, 再考下紀律部隊, 你睇O下朱振宗, 仲有朱曉宇都幾過引

不過大前題係你要計算一下你既opportunities cost. 例如神童熙, 由小學畢業,喇小全級第二, 如果讀書就篤定律師,醫生. 咁你打全職, 目標係點先, 如果係世界前二十, 值唔值先? 如果係世界冠軍,香港第一個世界冠軍, 就有O的吸引力. 不過其實打到十五,六歲都知自己有無機會,我係神童熙都會放棄全職啦,律師,醫生啊.

但係其實如果反正自己料子都係最多一個general degree, 咁不如試幾年全職. 唔得先再讀返書, 現在謝家俊, 李冠毅個個都讀大學啦.每個CASE唔同, 我又唔知你背景, 好難講.

作者: 反膠王子 時間: 2013-6-19 20:58

提示: 作者被禁止或刪除內容自動屏蔽

作者: lmichael 時間: 2013-6-19 21:13

引用:

原帖由 反膠王子 於 2013-6-19 20:58 發表
李冠毅讀返書好個全職

呢個要多得精英運動員入學計劃, 唉.....講起呢個計劃, 其實應該紀念Professor 高. 唔係由佢推動, 現在做全職無咁大保障, 幸福唔係必然O架.........

作者: yoman 時間: 2013-6-19 22:42

其實孔氏哥哥都放棄左全職啦三孔剩番一個
因為比林兆恆李漢銘拋離左
自然做唔到重點被逼放棄
很多人為了從事專業行列放棄做運動員
雖然運動員薪酬一般不過帶來的成功感意志力的培養享受乒乓球的樂趣就係其優勢
馮林確實係天才十五六歲入國家集訓隊同期有張超李平陳𤣱 師父為肖戰可惜佢一時之氣去深圳教波放棄前途否則現在很大機會是一隊成員我都係佢個個時代的

作者: lmichael 時間: 2013-6-20 00:08

引用:

原帖由 yoman 於 2013-6-19 22:42 發表
其實孔氏哥哥都放棄左全職啦三孔剩番一個
因為比林兆恆李漢銘拋離左
自然做唔到重點被逼放棄
很多人為了從事專業行列放棄做運動員
雖然運動員薪酬一般不過帶來的成功感意志力的培養享受乒乓球的樂趣就係其優 ...

原來大佬都無打了.不過一向都好似係細佬天份好一些. 馮林都會有氣? 佢咁林.......

不過佢咁快做教練都未必是壞事,真係搵真銀.其實如果係佢地呢個LEVEL,真係個個都係咁既天份,有次係實利和, 有個教練未見過, 新來, 勁到無朋友,又係O個種你做一個動作既反應,佢已經可以做兩個. 佢同我講, 佢本來係八一隊,即係解放軍,入O左國家青年隊,打了幾年,話有病,停了一年,返隊就追唔返, 退回八一隊,咁八一隊推薦佢地讀大學,佢話其實係來探朋友,順便搵O的外快,過了暑假回南京讀書.

麥景晧仲有無打全職? 今日剛剛睇完王鎮庭係日本公開賽,贏了星加坡既MA LIANG, 佢正手改了好多,少了很多高孤線擲波,不過對對面比,大家自己睇下,人地拉個波好似唔駛力咁. 沖佢好多,但係王鎮庭既優點,係走位真係走得快. 王鎮庭就係差了板一垂定音, 所以佢就算贏都贏得好辛苦, 好難起BREAK拿好多分.

作者: Tat^_^ 時間: 2013-6-20 01:38

引用:

原帖由 yoman 於 2013-6-19 11:38 發表

比起其他亞洲國家香港青少年球員機會少得很
明明資源就非常充裕但卻沒有用在到外比賽
5年前到香港有個李冠毅個時打青少年賽贏陳建安黃盛聖奧查
不過都無被栽培宜家讀翻大學
人地已經世界冠軍了

李冠毅在什麼時候贏過陳建安，陳建安一早都半全職，2011年仲打世界大學生運動會,雙打第2，果年香港好似都有派人去

作者: Tat^_^ 時間: 2013-6-20 01:47

引用:

原帖由 yoman 於 2013-6-19 12:36 發表

個時有幾個好過佢如李忠謙鄭楚風
呢2個都試過全職亦有不錯成績但不知道為何中途退出還是不被重用
李忠謙試過亞青單打第三鄭楚風亦贏過國家隊金意雄以及伊朗天才阿里梅安noshed
不如到你分享謝家俊的故事

呢兩個例子太遠了，找個近d討論，趙仲熙同孔軍凱都打過全職，最終都一齊去返讀書，之前報章有報道主要原因係因為追不上世界水平，起步太遲，人地國內選苗子由5-6歲開始決定打全職就堅到十多年，香港好難做到

作者: yoman 時間: 2013-6-20 11:37

引用:

原帖由 Tat^_^ 於 2013-6-20 01:38 發表

李冠毅在什麼時候贏過陳建安，陳建安一早都半全職，2011年仲打世界大學生運動會,雙打第2，果年香港好似都有派人去

Panasonic Open (China)

Men's Singles (Qual Groups)
17:30 11/9/2008
CHEN Chien-An TPE
vs
LI Kwun Ngai HKG
3-11, 12-14, 11-2, 11-5,11-13,10-12,
陳建安一直都是台灣重點但是2012年才是成年隊的主力

作者: (=^x^=) 時間: 2013-6-20 21:52

利害

作者: lmichael 時間: 2013-6-20 22:53

2008年, 陳建安十七歲, 呢個就係我所講, 青少年時期, 其實香港成績唔錯, 但係一到成人組別就唔得, 我其實唔明, 李冠毅正膠打得好地地, 點解走去打反膠?

作者: lmichael 時間: 2013-6-20 23:02

引用:

原帖由 Tat^_^ 於 2013-6-20 01:47 發表

呢兩個例子太遠了，找個近d討論，趙仲熙同孔軍凱都打過全職，最終都一齊去返讀書，之前報章有報道主要原因係因為追不上世界水平，起步太遲，人地國內選苗子由5-6歲開始決定打全職就堅到十多年，香港好難做到

大陸係, 但大陸之外都好少地方好似大陸咁, 但日本,南韓水準都唔差, 其實香港現在新一代都開始得很早了, 反而我覺得問題係,選重點少年球員, 是否可以選到天份最好既球員,選材是靠成績還是教練對少年球員天份既評估, 其實大陸選少年球員,並不是看成績,他們有幾個不同既方法去評估他們的智力,身體協調,反應等等......

不過乒總都有他的難處, 你取綠不靠成績, 又會比人投訴.......

作者: 金擇魚 時間: 2013-6-21 11:27

小時了了，大未必佳

作者: nixonwin 時間: 2013-6-21 12:50

少年得志大不幸

作者: 乒乓在線 時間: 2013-6-21 13:29

雀得拼搏到佳績的本地幾位運動員, 比較偏向不搏就更沒出路, 年少的無謂亂跟, 亂拜更不應...... 當然, 要借鏡他們積極, 不氣餒的精神.

[ 本帖最後由乒乓在線於 2013-6-21 13:32 編輯 ]

作者: lmichael 時間: 2013-6-21 13:54

其實香港成名既運動員,都有共通點.

例如, 黃金寶, 李麗珊, 黑妹, 牛下女車神......, 就係屋企窮. 香港乒乓球少年選手, 有時我覺得真係太有錢.

俗語話, 千金難買少年窮.

作者: lmichael 時間: 2013-6-21 13:57

大家都打波, 其實有時天份呢樣o野, 真係幾令人氣餒. 你自己都以為自己好好天份, 但係當你真係再上一層樓, 原來天份係自己不能越過既障礙, 當你努力過, 又為佢付出過, 最後睇住人地過你頭, 真係好氣餒.

作者: gx7615 時間: 2013-6-21 13:59

引用:

原帖由 lmichael 於 2013-6-21 13:54 發表
其實香港成名既運動員,都有共通點.

例如, 黃金寶, 李麗珊, 黑妹, 牛下女車神......, 就係屋企窮. 香港乒乓球少年選手, 有時我覺得真係太有錢.

俗語話, 千金難買少年窮.

有同感.. 同我同年紀果D真係好有錢..
新一代仲恐怖練完波工人接送餵燕窩

作者: lmichael 時間: 2013-6-21 15:45

引用:

原帖由 gx7615 於 2013-6-21 13:59 發表

有同感.. 同我同年紀果D真係好有錢..
新一代仲恐怖練完波工人接送餵燕窩

不過唔係咁, 又點養活咁多教練? 我想乒乓球係香港, 最多全職教練既運動, 都未計做兼職既教練.

作者: charmway 時間: 2013-6-21 16:13

欠 1 個費sir or 劉國樑
家長的心態都好重要,特別是未有成績前的一關是最難過

[ 本帖最後由 charmway 於 2013-6-21 16:26 編輯 ]

作者: lmichael 時間: 2013-6-21 17:25

所以乒乓球特別多虎媽虎爸, 你睇分齡賽, 乒乓球既家長是最緊張成績的, 羽毛球, 網球咁細個, 一般去打比賽, 家長都係當比佢地玩下, 但乒乓球, 佢地真係成舍費爵爺咁款, 乒乓球最早就拚成績, 睇邊過早開始, 領先一部, o岩晒虎爸虎媽, 所以先至有所謂兜巴星教練出現, 迎合家長麻.

作者: 金擇魚 時間: 2013-6-21 23:37

引用:

原帖由 lmichael 於 2013-6-21 17:25 發表
所以乒乓球特別多虎媽虎爸, 你睇分齡賽, 乒乓球既家長是最緊張成績的, 羽毛球, 網球咁細個, 一般去打比賽, 家長都係當比佢地玩下, 但乒乓球, 佢地真係成舍費爵爺咁款, 乒乓球最早就拚成績, 睇邊過早開始, 領先一部, ...

如果你一個月比萬幾兩萬打波,睇你緊唔緊張.

作者: Tat^_^ 時間: 2013-6-21 23:49

引用:

原帖由 lmichael 於 2013-6-20 23:02 發表

大陸係, 但大陸之外都好少地方好似大陸咁, 但日本,南韓水準都唔差, 其實香港現在新一代都開始得很早了, 反而我覺得問題係,選重點少年球員, 是否可以選到天份最好既球員,選材是靠成績還是教練對少年球員天份既評估 ...

香港打乒乓球的苗子同中國內地比,根本冇得比,數量差太多,乒總點選都未必選到有國內的水平,可能香港100萬人打乒乓球都未必有1個有天份,大陸係幾多百萬人選1-2個,最簡單1個例子,CCTV 係近數月舉行誰是球王的比賽,當中的9-12歲的小朋友,由3-4歲開始打乒乓球,到而家技術雖不全面,但總有不同的特長(得分手段),相比香港現時的9-12歲小朋友應該未追到

http://www.youtube.com/watch?v=uTX4bz54P-Y
http://www.youtube.com/watch?v=4 ... hwIE8HtHh-4wsosoZPA
http://www.youtube.com/watch?v=o ... hwIE8HtHh-4wsosoZPA

作者: 金擇魚 時間: 2013-6-21 23:52

引用:

原帖由 lmichael 於 2013-6-21 13:54 發表
其實香港成名既運動員,都有共通點.

例如, 黃金寶, 李麗珊, 黑妹, 牛下女車神......, 就係屋企窮. 香港乒乓球少年選手, 有時我覺得真係太有錢.

俗語話, 千金難買少年窮.

同讀書一樣,其實你係有天份,猶如錐之在囊,沒有懷才不遇的.

作者: lmichael 時間: 2013-6-23 00:19

引用:

原帖由 Tat^_^ 於 2013-6-21 23:49 發表

香港打乒乓球的苗子同中國內地比,根本冇得比,數量差太多,乒總點選都未必選到有國內的水平,可能香港100萬人打乒乓球都未必有1個有天份,大陸係幾多百萬人選1-2個,最簡單1個例子,CCTV 係近數月舉行誰是球王的比賽,當中 ...

如果你咁講,照計香港少年選手成績會唔好,咁點解現在係少年選手成績好,有人攞世少杯, 又有人攞全國少年賽冠軍. 現在係少年選手成績好, 但到年長後, 成績反而出唔到.

作者: lmichael 時間: 2013-6-23 00:20

引用:

原帖由 金擇魚 於 2013-6-21 23:52 發表

同讀書一樣,其實你係有天份,猶如錐之在囊,沒有懷才不遇的.

那麥景皓點解十一歲做唔到重點球員,要到二十一歲先得呢?

作者: 阿舜 時間: 2013-6-23 01:46

其實焦點問題係, 12歲以下, 香港經常出世界頂級選手, 15歲以下, 香港選手都重算係世界級, 但已經唔係最頂級果幾個
一到16歲以上....

女子隊開始慢慢解決到呢個問題, 但男子隊... 近年重未有本地球手有辦法入到世界前100名, 而且頂級既本地男子球員, 係15歲以前都唔係重點球員, 搞到太遲進行重點訓練.

我個人覺得絕對係選才既大問題, 而家乒總選重點球員, 細細個就已經只著重已奪得既成績, 而完全無睇到潛力, 如果有辦法學習下中國既選才方式, 我相信黃鎮庭同麥景皓一早就已經可以成為重點球員, 可能18歲以前就已經入到世界前100名

如果乒總可以將年幼球員選才分為兩類, 一類睇成績入選, 一類睇潛力入選(呢樣要參考大陸), 我諗香港隊既成績可以更好

作者: 金擇魚 時間: 2013-6-23 03:22

唔可以再返轉頭比教練玩篤手指

,跟排名,打輪選OK,以前都搵過文教練攪少年育才,之後呢?

作者: lmichael 時間: 2013-6-23 13:23

引用:

原帖由 金擇魚 於 2013-6-23 03:22 發表
唔可以再返轉頭比教練玩篤手指 ,跟排名,打輪選OK,以前都搵過文教練攪少年育才,之後呢?

所以話乒總都有乒總既難處, 你唔係用成績選重點球員, 你想O下幾多虎爸虎媽會走去投訴.

作者: PhilipWong 時間: 2013-6-24 18:46

香港政府不嬲都唔重視運動

想搞都搞到民生,同經濟先

體育都係放埋一邊

作者: 速鳥 時間: 2013-6-25 08:20

名師指導下，頭三板技術超眾，練習時間沉長，反觀對手可能有不足，因為年少，及自打自學，磨練小。
但到達一段日子，頭三板接到，長期緞鍊絕招，加上力量，反而靠名師的頭三板不能直接得分，走得慢，力氣不夠。

作者: Jose 時間: 2019-3-22 08:23

引用:

原帖由 lmichael 於 2013-6-19 15:00 發表
首先重申, 係無對同錯, 亦唔係講邊個o岩既問題, 只係以事論事.

其實香港乒乓球同其他運動最大既分別, 係好多球員, 好早, 甚至超早就已經受極好既師資訓練, 我所講既那一批屋企有點錢, 幾乎一學波就係馮林, 蒙剛雄呢 ...

歡迎光臨香港乒乓網 (http://hkttf.com/)