連打第5日。。。
今日本來早上有事唔打波,但知道一個球局有位高手稀客到,見趕得及返工前打一粒鐘,搞掂啲嘢,飯都唔食,飛亡命Van趕去,球局3個鐘,去到只剩1小時
高手稀客同朋友來,嗰位朋友似乎少打長膠,數球熱身時,我先給他適應一下,大家互相交流~
之後終於有機會同高手稀客切磋,他好明顯識應付長膠家,發球也夠急,我最弱是接這類球,難得有機會接,可以練手感,過程中我嘗試防他的弧圈,去閘,有幾次球來球往,都幾精彩,賽後他讚我打得不錯,防守幾好,但要改善攻擊,獲高手指點,我會努力練好
事實上,比賽過後,我已多練擰扳用反膠攻擊,但他球速太快,我擰唔切,自然只有防守的份兒,
長膠攻擊方面,今日試撇,這是我「拱擺閘刮打」以外的第6招,但做得不好,經常有角度但太慢,撇應該是令人難救的(100轉對0轉是撇的高手,我連佢1成功力也學不到)
另外,也同了2位球友打,大家有講有笑,好開心~
不枉此行~
P.S.有位姐姐話想同我交流長膠,約我下周五,我説再度下時間,回家後看日程,下周有D屋企事要做,來唔到,十分抱歉,再下一次如果夾到時間,我盡量來,一起交流交流
