長膠OX愛你不易
今日打丙組，叫做不過不失，本身唔係主動搶攻型，所以轉打長膠OX削球後，反而令我打波舒服左，當然遇到強爆型攻球，仍然變成左籐右籐去防守，但攻防戰打得過癮，自己亦好有滿足感，但香港乒總出名嚴厲，由其對長膠OX，今日ROUND 3被捉驗板，已知出事，本身長膠絕無加工違規，但T巴長膠OX以前本身已達標準臨界線，乒總今次算好人，塊膠超出0.07違規,使用勺情權，俾我打埋ROUND 3，不過要簽名記錄在案，乒總私下好心同我講T巴廠OX膠有問題，粒高質量控制超差，新膠好多未貼已超標，叫我自己留意一下,最後ROUND3亦敗陣，贏輸唔重要就呃你，比賽邊個唔想贏，但下下比賽前都驚被乒總驗板，始終好有壓力，除非唔打乒總賽事，但我唔捨得放棄同一班志同道合波友們打團體一齊作戰,但唔可以自己塊板隨時被FOUL累家坊，未打先輸1分！
最後唯有同T巴長膠OX道別講聲''天下無不散的筵席,好好珍重''
下星期開始嘗試打有海棉長膠，之前都試過幾次，都忍受唔到控制唔到而放棄失敗，今次要堅決向前行，唔可以再俾驗板成壓力，雖然我唔知自己要幾耐適應到，亦好可能適應唔到而止步！
