標題: 今日終於見識到咩係"怪獸"家長.... [打印本頁]
作者: candylai115 時間: 12-5-1 23:42 標題: 今日終於見識到咩係"怪獸"家長....
今日同老公阿仔入咗赤柱行吓, 當去到一間售賣電子產品嘅店舖,阿仔買緊部搖控電動車, 突然聽到好嘈,原來有一對本哋父母,係喥好大聲咁鬧緊位職員....
佢哋 : 乜呢喥唔可以俾人玩架咩? 小朋友幾多歲先可以玩? 你依家咩態度? 你負責人係唔係喥?
位職員都好有禮貌重覆咁解釋: 唔係唔可以俾小朋友玩, 而係位小朋友已經自己係喥玩咗大半個鐘, 都無父母係喥, 所以打電話俾佢哋, 但又無人接聽, 怕萬一有咩事就麻煩
但個兩位家長不停係咁鬧, 又話要報警, 又話要投訴, 最後仲攞埋部i-phone出嚟, 影住位職員講嘢, 佢位小朋友係隔離係咁喊...
其實佢哋為人父母, 應該要睇實自己啲仔女, 唔係任由佢哋係人哋店舖玩, 自己就走去行街街.萬一發生咩事, 人哋唔會負責架喎.況且依家有咁多捉小孩嘅負面傳聞, 個喥又係遊客區, 咩人都有, 萬一有咩意外就麻煩.
講真人哋打開門做生意, 唔係幫你睇仔架喎, 佢哋應該有責任照顧自己小朋友......唉!位職員都好慘, 係咁俾佢哋鬧.....
http://www.baby-kingdom.com/foru ... ble&tid=4934356
