[是非] 新一代問題球的感想

昨天歌和老街進行了新一代乒乓球比賽 , 其中八歲組別崔小朋友對翁小朋友那一塲比賽出現了一個問題球.
因為我當然在看另一場比賽 , 所以所知的也只是從旁聽回來, 如內容有錯誤或失實 , 請指証.

據說兩位小朋友打到大分 2:2 , 細分打到 10:9. 當時翁小朋友一板抽中左邊枱角.  (擦邊)  當然翁的朋友或家人立即歡喜若狂的慶祝. 可是當時球証判 OUT, 分牌也改了 10:10.  就在這一刻一位裁判在外走進塲指出該球波應該是擦邊 , 細分應該是11:9 翁勝出. 結果球証最後改判3:2 翁勝出這一場波.  事後崔小朋友的友人或家長與裁判爭論了很久, 我不確定是一小時或兩小時. 本來大家也認為爭論也是無助之際.  裁判組突然改變決定判決重賽由 10:10 開始.  當然這個賽果翁小朋友的家人不服, 最后拉隊離塲.

1) 假如你是球員, 或是球員的教練, 你明知該球波是擦邊. 該塲波應該是輸.  當球証判決該球 Ball 為 Out 時.  你能否好君子的告訴球証那球波其實是 IN.  相信如果該球波發生在初賽,  Round One 一些不重要情況下, 我相信有些球員是可以好公正的做到. 但問題是發生在八強爭入決賽. 而且大分是2:2, 細分是10:9.  這個決定其實是不容易做到.

2) 其實你地覺得該場波是否應該判重賽,  因為重賽的案例其實好少出現.

3) 最後翁的家人不滿意裁決帶小朋友離開球塲. 其實能打入八強的小朋友, 在過去一年應該都是經過好辛苦努力期待這一天降臨.  希望自己辛苦換努力, 能在比賽中發揮表現出來.  大人會否因為一時之氣是没殺了給小朋友的機會 ?

雖然最后崔小朋友奪得季軍, 但我相信崔小朋友及其家人也不會開心.  另一邊翁小朋友及家人也不會好過.
不過其實小朋友還年輕, 新一代比賽其實也只是人生路上一個里程碑. 希望兩位小朋友可以儘快收拾心情.

相信很多家長及教練,都會好似翁小朋友的家人一樣(拉隊離塲)! 因為出現此問題時,會讓自己小朋友在不公平的環境下繼續作賽,那跟住發揮出來的水準也不會好,而且現今球檀訓練體系是精英制,故要好的成績才可入選訓練,如果萬一因此敗陣,很可能對往後小朋友發展造成問題,這樣做(拉隊離塲)可使外界關注這場是問題球賽,不是自己小朋友的問題,這都是出於保護自己! 是其中一種人生的教學! 教導小朋友要識得自我保護,要在公平的情況下與人交往及作賽! 各小朋友及家長努力爭取是沒錯,但時會發生此問題真是令人嘆息! 慨嘆現今的球檀訓練制度是這樣吧!

齋睇內容, 以路過者心態睇:

1)年紀少少的球員為咗贏, 教練為咗以後進賬; 唔認唔出奇.

2)用糾正咗o既結果, 翁氏贏.

3)堅持贏左, 唔可以重賽.

可能翁家長態度唔好, 但始終覺得崔家長唔啱!

[ 本帖最後由 feideepking 於 2009-12-21 12:48 編輯 ]

佢地咁樣攪一攪..最唔開心咪又係d細路,,,

其實最重要是場外裁判是否有 實權/協助 指出場內裁判當時的判決是錯誤及可要求更正o

世事不能盡如人意! 有時都要各安天命!

[ 本帖最後由 文仔 於 2009-12-21 16:39 編輯 ]

我反而唔會去質疑點解明明咁多人見到擦邊既波,裁判睇唔到,我想講既係...
1.其實場內既裁判可以堅持自己既判決,即使場外有人,甚至係裁判見到個球有問題.
2.場外既裁判,甚至係裁判長根本唔應該去出聲話個球有問題.
3.最後堅持番裁判既原判10:10亦都好合理.
4.最後某家長拉大隊離場好不當,假若10:10繼續比賽,其子都有機會勝出比賽,甚至攞獎,但而家棄權,當個小朋友好唔公平.
5.其實崔方唔認數都好正常,最後嬴埋第3都要有一定實力既,嬴左就係嬴左,無話嬴得光唔光彩既,就算知情人士話佢無品,佢一樣可以係朋友親戚面前威

齋睇文章 , 導火線好似係栽判舉棋不定

相當同意!不是對賽雙方的問題,反而是裁判及賽會有問題就真!做嘢不決繼,時有更改所致!

呢件事最合理就係10:10繼續打,只不過因為場外果位裁判既行為
令賽事延遲左咁耐...即使場外果個係裁判長都好,佢都唔可以因為自己認為果球係擦邊
而要場內既球證作出11:9呢個判決,佢只可以入去了解場內球證既睇法,而去協助作出判決,而好明顯場內球證係好肯定呢球唔係擦邊,所以當時就應該讓比賽繼續.

大家係唔係肯定果球擦邊 ? 如果係 , 崔小朋友即係唔覺意沾了便宜 判左10:10 ,
如果崔小朋友故意輸返一分 , 10:11 , 同之前9:10 情況一樣
翁小朋友及其家長可能唔拉隊離場 , 肯繼續打埋佢
不過 , 冇得如果 !!  而且唔容易做到 !

無論那方，擦邊是運，球證睇唔到是運，遇到球證或裁判長犯錯也是運，相對來說，10：10再打之後輸和棄權也是輸，但會嬴咗風度和身教，之後花三幾百整封律師信去乒總投訴佢地，整花佢地record仲好。

其實個裁判只要堅定一點, 問題便會簡單一點!!  比賽本來就不是兩個人的遊戲,  而是三個人的遊戲 (參賽者 x 2 + 裁判) !!

其實投訴是冇用的,好似從未試過,完了賽事後,因投訴而要重賽的! 只有球員放棄以後唔玩! 還有整花個裁判record都冇用,下個比賽都是用這個裁判 o 只因業餘比賽花極有限,不會影響用人機制 o 這些都是可見的現實!

[ 本帖最後由 文仔 於 2009-12-21 22:13 編輯 ]

有冇第4名?

係! 明白! 只因場內裁判唔夠果斷! 判決不應改完又改! 如繼續打下去,會對小朋友心理產生了影響(在不公平情況下冇人願意出來保護他),所以家長基於出於保護子女,便拉隊離場! 這都是可以理解的! (請大家明白他們是個七八歲的小童,心理會影響以後發展及行為! 輕則以後唔打乒乓球,重則會為少少事掉了生命,所以應當小心及留意!)

[ 本帖最後由 文仔 於 2009-12-22 21:14 編輯 ]

昨天歌和老街進行了新一代乒乓球比賽 , 其中八歲組別崔小朋友對翁小朋友那一塲比賽出現了一個問題球.
因為我當然在看另一場比賽 , 所以所知的也只是從旁聽回來, 如內容有錯誤或失實 , 請指証.

據說兩位小朋友打到大分 2:2 , 細分打到 10:9. 當時翁小朋友一板抽中左邊枱角.  (擦邊)  當然翁的朋友或家人立即歡喜若狂的慶祝. 可是當時球証判 OUT, 分牌也改了 10:10.  就在這一刻一位裁判在外走進塲指出該球波應該是擦邊 , 細分應該是11:9 翁勝出. 結果球証最後改判3:2 翁勝出這一場波.  事後崔小朋友的友人或家長與裁判爭論了很久, 我不確定是一小時或兩小時. 本來大家也認為爭論也是無助之際.  裁判組突然改變決定判決重賽由 10:10 開始.  當然這個賽果翁小朋友的家人不服, 最后拉隊離塲.

1) 假如你是球員, 或是球員的教練, 你明知該球波是擦邊. 該塲波應該是輸.  當球証判決該球 Ball 為 Out 時.  你能否好君子的告訴球証那球波其實是 IN.  相信如果該球波發生在初賽,  Round One 一些不重要情況下, 我相信有些球員是可以好公正的做到. 但問題是發生在八強爭入決賽. 而且大分是2:2, 細分是10:9.  這個決定其實是不容易做到.

2) 其實你地覺得該場波是否應該判重賽,  因為重賽的案例其實好少出現.

3) 最後翁的家人不滿意裁決帶小朋友離開球塲. 其實能打入八強的小朋友, 在過去一年應該都是經過好辛苦努力期待這一天降臨.  希望自己辛苦換努力, 能在比賽中發揮表現出來.  大人會否因為一時之氣是没殺了給小朋友的機會 ?

雖然最后崔小朋友奪得季軍, 但我相信崔小朋友及其家人也不會開心.  另一邊翁小朋友及家人也不會好過.
不過其實小朋友還年輕, 新一代比賽其實也只是人生路上一個里程碑. 希望兩位小朋友可以儘快收拾心情.