你初學波時, 反手是用 Palio cj8000, 用了一年, 你話塊膠拉波冇乜力的,
11 月初, 我就換左塊Donic Baracuda 比你 (Donic 宣稱是其最轉的膠10++), 你好快就適應了 Baracude, 因為你話它和 cj8000 打波 冇咩分別!
冇咩分別??? 價錢相差幾倍呀!
一星期後,幫你換埋正手崩左好多地方的 Donic F1, 改用donic 白金 soft! 但你始終覺得 F1 好過
白金 soft , 因為夠彈及夠衝!
12月中, 我從另一塊球拍撕出來的 Donic JO gold (紅色)比你貼在球拍反手, 代替 Baracude.
好 la, 現在 Jo gold 做正手, 白金 soft做反手, 應該冇問題 la!
那天中午你換膠,晚上去波局!
反手頻頻打失,你話塊膠完全唔彈!
越打越忟憎, 忟到想即場撕咗塊新膠!
完全唔彈, 可能 Jo gold 貼在球拍上, 成年冇用過而氧化, 又或者我把它撕出來後, 冇清去膠背的膠水, 就在舊膠水上塗新膠水, 把 jo gold 貼在球拍上!
上星期 (18/12), 我就把 JO gold 換走, 改用Donic Coppa Speed !
好 la, 現在 Coppa Speed 做正手 (夠彈 la!),
白金 soft做反手, 應該冇問題 la!
今次重死! 用Coppa Speed開 d 波冇乜旋,
波又容易打高,
打失....
正反手的手感盡失,
連打球時間都好以有d 掌握唔到!
1 月3日丁組賽, 撞正你學校考試,但如果這 X'mas holiday 你温好書,我都想你去比賽!
所以, 現在你巳冇時間慢慢適應!
見你打咗2-3次都控制唔到塊Coppa Speed,
哈哈哈, 我'當機立斷',上星期,幫你正手換回 F1!
換回 F1,你如鱼得水,手感都漸有番!
好 la, 現在 F1做正手, 白金 soft做反手, 真係 No prblems la!
換球拍膠的惡夢終可完了!
