引用:
原帖由 KIKI22064878 於 2016-10-20 10:26 發表 
絶对認同, 打球 基本功好, 手法正宗, 但系 真系會 輸比 一個 動作 怪怪 的 人, 我 都見 過 好 多例 子了,
師兄提出基本功一詞，的確有好多討論的地方。何謂基本功？何謂基本功好？手法正宗，有觀賞性，睇落似世界級球手，就叫基本功好？好多手法正宗，睇落好好睇，夠曬觀賞性，但系打計分，就系輸一d動作好怪的人。有無例子？好多年輕人就系輸中坑/老坑（無意侮辱，甘樣表達感覺上較傳神），年輕人集中要好睇，要動作標準，要型仔，要符合世界潮流，一定要兩面弧圈結合快攻，下下要爆衝，要前衝弧圈，只求打死人，而不理會命中率，我就覺得唔系甘理智。而人生閱歷較豐富的中坑/老坑，就從實際出發，唔打失，減少無謂失誤，有機會就一板啪爆你，無機會起手，控制住落點先，動作雖然怪，但系駛得/實際。
業餘想走專業路線，唔系唔得，辛苦囖，要付出好多時間與精力，仲要揾教練教。仲會比人歧視，話你練基本功無用，之後你再打計分，例如，正反手攻球練波練到曉飛，計分用唔到，連自己也對自己失去信心，甘樣系非常恐怖和可悲的一件事情。所以話唔系盲目地練，練波就系為左計分用到，練完用唔到，甘你話，練黎做乜？
如果打計分，唔夠人打，太大挫敗甘，但系自己又鍾意乒乓球/享受乒乓球所帶來的快樂，咪自己練囖，無人同我練，咪自己打發球機囖，無壞咖，路有千千萬萬條，何必要把自己框死。
練基本功時，雙方互相遷就，大家的球都正規/正常，一般是上旋，打得舒服。一打計分，問題就出現，任何情況也會發生，飄/拱/沉/側走/無力波，甘樣你可能就唔識打。所以我覺得，基本功好要任何球都要懂得處理，有進攻有防守，沒有太多無謂失誤，球要受你控制，而不是僅僅動作好睇，甘就變左花拳繡腿，就是不折不扣的花架子。
[
本帖最後由 GatienExtra 於 2016-10-22 23:20 編輯 ]
