老球友, 對國際乒聯改野都真係幾無耐, 我都幾後悔當年唔打羽毛球, 走去打乒乓球. 加高球網, 改乒乓球材料, 加大球的直徑, 你如果係比賽運動員, 就算業餘, 都要花好長時間去適應, 咁既年紀, 又有工作在身, 點練?
國際乒聯改例, 其實係有幾個前題.
1. 改變器材, 會令中國隊以外國家球員興起.....
2. 改變器材, 會令觀眾增加.
其實國際乒聯係唔係搞錯左方向?
其實, 每次改例, 反而係令中國隊更強, 因為中國可以放最多資源到乒乓球裡面, 其實要打敗中國隊, 最重要係, 要令外國球手, 覺得乒乓球打得好可以賺到好多錢, 例如, 日本. 佢女子隊, 有好多一段時間, 都係要用中國球員, 例如, 小山智麗, 直到.....福原愛, 其實福原愛既成績又未必好過小山智麗, 但係原來美少女加乒乓球, 一樣可以賺到錢, 跟著, 就好多天才美少女出現, 日本...., 現在是穩套第二, 沖擊緊中國第一....., 其實迫中國乒超, 每場一定要有一個外國球員, 我覺得更實際.
改變器材, 會令觀眾增加.
呢點, 我都覺得幾奇怪, 其實, 如果唔識打乒乓球, 有幾多個會去睇乒乓球? 如果改器材, 迫左呢班人唔打, 其實係唔係會多左人睇? 其實近年, 乒乓球觀眾增加, 正正係因為......中國太太太強, 中國觀眾多左, 乒乓球其實變左.....美式足球.....
國際乒聯, 你係想觀眾增加, 定係想整死中國? 佢以為係同一樣野, 其實...可能正正係背道而馳, 舉一個例, GOLF, 當年TIGER WOOD獨霸, 好啦, 到現在TIGER WOOD唔掂, 原來......GOLF既收視, 反而下降.
