功能多 : 如註冊對焦(超快) , 兩種IS模式 , 暫時停止自動對焦 , 自動對焦時對焦環又唔會跟住轉
操作方面 : CPL更換快 , 對焦快而準又靜 , 比起400mm嚟講光圈一樣 , 焦距只短小小 , 但輕左足足一倍 , 使到在專業定焦紅圈白鏡中 , 300mm F/2.8係唯一能夠手持拍攝 , 大大增加機動性
成像質素方面更加唔需要懷疑 , 話知你用最大光圈都好 , 顏色銳利度都不會打折扣 , 無論對焦位置或者散景部份 , 色彩依然鮮豔感人 , 呢種效果同感覺係響1.2光圈鏡頭搵唔到既 , 例如我試過用白底影人 , 主體距離白底幾遠都一樣可以分辨得到 , 唔信可以試下 , 真係做到一絲不苟 , 一手價$34800真係一D都唔貴 , 我借過俾好多人玩 , 個個玩完都買返支 , 碌卡都要買
缺點：遮光罩裝拆較不便 , 要扭果粒好實既縲絲
換鏡時如果想快 , 要放落地下 , 所以遮光罩實會花 , 切膚之痛
感受：300mm中 , 我見過最好既鏡頭 , 唔單止去非洲影長頸鹿 , 而係去親旅行都要拎埋去 , 當地人民既自然神態 , 唯有靠佢先影得到 , 人地笑你拎咁大碌野去 , 只因為佢玩唔起 , 去完旅行大家拎d相出嚟睇 , 包佢唔甘心自己靜靜雞買返呢支鏡再去多次旅行
